Lykle er namnet på produkta som vert leverte frå Aabrekk Gard. Lykle finn du i eit utval av butikkar og hotell i Sogn og Fjordane. Du kan også bestille varer direkte frå Aabrekk Gard: lefser, fiskelefser, flatbrød, havrekjeks, julekaker, geitost, honning, sylte, saft og brød. Alt av finaste kvalitet.  

Signe er "budeia" på Aabrekk Gard. Ho legg sjela si i å vidareføre tradisjonar overlevert frå generasjon til generasjon. Mathistorie, råvarer, kvalitet og kortreist er begrep som Signe formidlar gjennom ekte gardsmat. Her er alt som det skal vere.  

I Oldedalen lever geitene fritt og godt, leikande i vill, rein natur. I fjellsidene bak garden veks lyng og urteplantar, dynka i brevatn og bada i sommarsol. Du kjenner det på geitosten frå Aabrekk; den gode smaken av tradisjonsmat frå liene under breen. Er du heldig, kan du få Signe til å legge frå ein bit til deg...  

Vi er medlem i Hanen, ein landsdekkande organisasjon som baserer seg på turisme og mat produsert på garden, med lokal tradisjon og lokale råvarer